د ملي امنیت ریاست په یوې خبرپاڼه کې، د عکرمه مدني په نوم مشهور د عبیدالله چې د افغانستان په شمال او شمال ختیځو ولایتونو کې د داعش ډلې د جګړې عمومي مسوول وو، د یو لړ موخه ییزو عملیاتو په پایله کې د دې ادارې د منسوبینو له لورې د نیول کیدو خبر ورکړ.

 

د ملي امنیت ریاست د خبرپاڼې پر بنسټ چې نن (پنځنۍ، وږي۲۰)، خپره شوه؛ د داعش ډلې دې غړي په ۲۰۱۲ او ۲۰۱۴ کلونو کې، په شمالي وزیرستان کې د حقاني شبکې اړوند یوه مرکز کې پوځي او استخباراتي زده کړې ترلاسه کړي او وروسته داعش سره یوځای شوی.

د ملي امنیت ریاست همداراز ویلي چې عکرمه د مولوي ایاز نیازي، او مولوي عزیزالله مفلح د شهادت په سازمانولو کې ونډه درلوده.

دې بنۍټ اعلان کړی چې عکرمه په کندز ښار کې د امام صادق جومات باندې د برید هوډ درلود، خو د هغه نیول کیدو، دا برید شنډ کړ.

د ملي امنیت د ریاست د خبرپاڼې پر بنسټ؛ عکرمه په خپل جرم اعتراف کړی دی.