د سیدالشهدا ښوونځي پر وړاندې د خونړۍ پيښې درې ورځې وروسته، د افغانستان حکومت نن (درې نۍ، غویي ۲۱)، ملي ویر اعلان کړ او ملي بیرغ هم په هیواد کې دننه او بهرنیو استازولیو کې، نیمه ځوړند شوی دی.

 

د پلازمینې د زده کوونکو او په ځانګړې توګه د کابل د لویدیځ زده کوونکو لپاره فضا توپير لري؛ هیڅ زده کوونکی په دې ښوونځي کې درس ته ندی حاضر شوی.

لږ شمیر زده کوونکي راغلي چې د ښوونځي خبر واخلي خو د دې مرګونې پيښې یادول یې ژړاو او زګیرویو ته اړ باسي.

شریفه د دې پيښې مخکې د خپل ښوونځي پر وړاندې د محرومیتونو فریاد کوي او د خپلو ټولګي والو له نابشپړو هیلو تراخه حکایتونه لري.

نقیب الله، په سیدالشهدار ښوونځي کې ښوونکي دی، دی وایي که څه هم استخباراتي بنسټونو د کابل لویدیځ د ښوونځیو پر وړاندې د ګواښ اړوند مخکیني اطلاعات لرل، خو په مخنیوي کې یې پاتې راغلي دي.

له دې ټولو سره هیوادوالو په ډیریو ولایتونو کې د وروستیو پيښو د قربانیانو له کورنیو سره د غمرازۍ په موخه، د فاتحې مراسم ترسره کړي دي.