ولسمشرغني تیره ورځ دوه نۍ (وږې/سنبلې ۱۰) په هیواد کې د موټرو یوه خصوصي شرکت له تولیداتو څخه لیدنې پر مهال چې د چهارچنار ماڼۍ په انګړ کې نندارې ته وړاندې شوی وو ویلي دي چې حکومت د هیواد له صنایعو څخه ملاتړ لپاره، د دې شرکت او نورو پانګه والو او تولیدکوونکو لپاره لا ډیرې آسانتیاوې برابروي.

د ولسمشرۍ ماڼۍ د ملي پرمختیا عملیاتي ا ملاتړیزې ادارې عمومي مشر محمد وفی امین وویل چې په تیر یوه کال کې له دې موټر څخه په ارګ کې د دې لپاره چې غږ او لوګی نه لري ګټه اخیستل کیږي او په دننه ارګ کې د نورو ګټو او اړتیاو لپاره به له دې شرکت څخه لا ډیر موټر وپیري.

له دې ټولو سره د هیواد صنعتګرو تل له حکومت څخه غوښتي ترڅو د کورنیو صنایعو ودې لپاره له دوی سره مرسته وکړي او کورنیو تولیداتو لپاره مناسب بازار برابر کړي.