ولسمشرۍ ماڼۍ اعلان کړی دی چې ولسمشرغني او د ملي روغې جوړې لویې شورا مشر عبدالله عبدالله په یوه دوه ورځيني سفر امریکا ته ولاړل.

په دې خبرپاڼه کې راغلي دي چې په دې سفر کې د ولسمشر لومړی مرستیال امرالله صالح، د بهرنیو چارو وزیر محمدحنیف اتمر، د ملي امنیت د شورا سلاکار حمدالله محب، د ولسمشرۍ ماڼۍ د تګلاریزو او عامه اړیکو د ادارې مشر وحید عمر، د دولت د مرکچي پلاوي غړي عبدالمتین بیګ، داکتر حبیبه سرابی او فاطمه ګیلاني او د بشرحقونو خپلواک کمېسیون مشره شهرزاد اکبر ملتیا کوي.

تمه ده په دې سفر کې ولسمشرغني د امریکا له ولسمشر جوبایډن، د کانګرس او سنا غړو، لوړپوړو دولتي چارواکو او اغیزمنو څيرو سره لیدنه او د دواړو هیوادونو ترمنځ نوي پیر، د ډیپلوماټیکو اړیکو پیاوړتیا، د امنیتي او دفاعي ځواکونو له ملاتړ او تجهیز، د افغانستان پراختیايي او اقتصادي برخو کې د امریکا همکاریو او له ترهګرۍ سره ګډې مبارزې پر سر خبرې وکړي.