ولسمشر غني وایي د کابل پر پوهنتون ترهګریز برید به بې ځوابه پاتې نشي.

ولسمشر غني د دې برید په غبرګون په یوه ویدیویي پیغام کې وایي چې ترهګر او د هغوې ملاتړکوونکي دې پوه شي چې د افغانستان خلک به د هیڅ ظلم پر وړاندې سر ټیټ نه کړي.

له بلې خوا ولسشمرۍ مانۍ د دې ترهګریزې پيښې قربانیانو ته د درناوۍ لپاره، نن درې نۍ ( د لړم۱۳) ملي ویر اعلان کړ. نن د هیواد بیرغ به په ټول هیواد او له هیواده بهر د افغانستان سیاسي استازولیو کې نیمه ځوړند وي.

ولسمشر همداراز ټینګار کوي چې په جوماتونو، تیکه خونو، فرهنکي او علمي مرکزونو، د عامه ګټو ودانیو او اکادمیو باندي بریدونه د بشریت په ضد جنایت دی.