سپینې ماڼۍ په قطر کې د امریکا او طالبانو ترمنځ د سولې د هوکړه لیک د لاسلیک په درشل کې، په یوې بیانیه کې د افغانستان له خلکو غوښتي چې له اوسني فرصته د خپل هیواد د راتلونکي لپاره ګټه واخلي.

د امریکا ولسمشر ویلي چې، دا د افغانستان خلکو پورې تړلې ده چې خپل راتلونکی جوړ کړي. په دې وسیله، مونږ د افغانستان له خلکو غواړو چې د دې فرصت څخه د سولې او د خپل هیواد د یوه نوي راتلونکي لپاره ګټه پورته کړي.

ښاغلي ټرامپ د دې اعلانپاڼې په یوه بله برخه کې ټينګار کړی که افغانستان او طالبان  خپلې ژمنې عملي کړي، نو د جکړو د پای او له دې هیواد څخه د امریکا د وتلو لپاره به زمینه برابره شي.

اعلانپاڼه زیاتوي: ”که طالبان او د افغانستان حکومت په خپلو ژمنو عمل وکړي، مونږ د دې جګړې د پایته رسولو او کور ته د خپلو ځواکونو د ستنولو په برخه کې به پياوړې لاره پرمخ ولرو. دا ژمنې په نوي افغانستان کې، د داعش، القاعده او نورو ترهګریزو ډلو پرته چې مونږ ته د زیان رسولو په هڅه دي، د تلپاتې سولې د ټینګیدو لپاره مهم ګام دی.

د دې اعلانپانې په یوه بله برخه کې د افغانستان په جګړو کې د امریکا د پوځ له قربانیو مننه شوې او زیاته کړې چې  دا هوکړه لیک د هغو د هڅو پایله ده چې امریکا په افغانستان کې په کلکه جنګیدلی دی.

ژباړه: نجلامایار