تمه ده د آمریکا د بهرنیو چارو وزیر مایک پامپیو په قطر کې له مرکچي پلاویو سره لیدنه وکړي.
د فرانسې خبري آژانس راپور ورکړی دی چې تمه ده د آمریکا د بهرنیو چارو وزیر نن( لیندۍ/قوس لومړۍ) د طالبانو له استازو او د افغانستان د دولت له مرکچي پلاوي سره په جلا جلا توګه د سولې د خبرو اترو د پرمختګونو په اړه بحث وکړي.
دې خبري آژانس همدا راز لیکلي دي چې تمه ده ښاغلی پمپیو د قطر له امیر ا و بهرنیو چارو له وزیر سره هم خبرې اترې وکړي.
دا لیدنه په داسې حال کې ترسره کیږي چې پنټاګون تر جنوري میاشتې په افغانستان کې د آمریکایي سرتیرو شمیر ۲۵۰۰ تنو ته راټیټوي.