یوشمیر سرچینو راپور ورکړی دی چې زلمی خلیل زاد د یوه پنځه کسیز پلاوي سره د درې نۍ په ورځ اسلام آباد ته تللی دی.

تمه ده ښاغلی خلیل زاد له پاکستاني چارواکو سره د افغانستان دسولې خبرو اترو په اړه بحث وکړ.

له دې سره هم مهاله د طالبانو په استازیتوب د ملابرادر په مشرۍ یو پلاوی هم اسلام آباد ته تللی دی.

په قطر کې د طالبانو ویاندسهیل شاهین په ټویټر لیکلي:د سیاسي مرستیال ملا برادر اخند په مشري یو لوړ پوړی پلاوی سبا د اکتوبر په ۲مه په رسمي بلنه اسلام اباد ته سفر کوي.هلته به دیاد هیواد له چارواکو سره په یولړ مهمو موضوعاتو خبري وکړي.

پاکستان ته د طالبانو د دې پلاوی سفر په داسي حال کې ترسره کیږي چې د دې ډلې پلاوی وړاندې له دې روسیې،چین او ایران هم د طالبانو او امریکا تر منځ خبرو اترو بیا پیل په موخه سفر کړی وو.

 

آرزو خبري سایټ ــ شمس الله رحیمي