په ارزګان ولایت کې د دو چاودنو په پایله کې دو تنو خپل ژوند له لاسه ورکړی او ۱۳ تنه نور هم ټپیان شوي دي.
د ارزګان د والي ویاند احمد شاه ساحل وایي لومړۍ چاودنه تیر ماښام (د سلواغې۷) د دې ولایت په مرکز کې په یو موټرسایکل کې د ځای پر ځای شوي ماین چاودنې له امله رامنځته شوی او د دویمې چاودنې څرنګوالی تراوسه ندې روښانه.
ښاغلی ساحل زیاتوي جې په دې پيښو کې دو عام وګړو خپل ژوند له لاسه ورکړی او د دریو پولیسو په ګډون ۱۳ تنه نور ټپیان شوي دي.
د یو بل خبر پر بنسټ تیر ماښام ناپيژانده وسله والو کسانو د غزني ولایت په مرکز کې یو قومي مشر په دزو ووژلو.