| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ژغورنې نړیوالې کمیټې هیښتیا ورکړې چې د کرونا ویروس خپریدو، افغانستان له بشري ناورین سره مخ کړی.
دې کمیټې په یوې اعلانپاڼه کې ویلي چې په افغانستان کې په کوویډ-۱۹ اخته ۸۰ څخه تر ۹۰ سلنه ناروغانو څخه، د بسیا شونتیاوو د نشتون له کبله ازمیښت نه اخیستل کیږي.
د دې کمیټې په اعلانپاڼه کې راغلي: “په افغانستان کې د کوویډ-۱۹ له کبله له ۸۰ څخه تر ۹۰ سلنه ناروغانو ازمیښت د شونتیاوو د نشتون له کبله نه اخیستل کیږي او د کرونا ویروس په دې هیواد کې یوولس میلیونه وګړي د لوږې له لوړ ګواښ سره مخامخ کړي.”
په دې منځ کې، د ولسمشر لومړی مرستیال هم هیښتیا ورکوي چې افغانستان د کرونا ویروس د کړکیچ لوړه کچه تجربه کوي او د د وړاندوینو له مخې دا حالت به تر دوو میاشتو همداراز دوام ولري خو د روان کال تربایه به په افغانستان کې حالت عادي کیدو ته مخه کړي.
له بلې خوا، د سیمې د هیوادونو د مرستو پر دوام، روسیې هم د افغانستان له حکومت سره د روغتیايي توکو د لویې جوپې مرسته وکړه.
په افغانستان کې د روسیې سفیر، دمیتري الکساندروویچ ژیرنوف وویل: د روسیې هیواد دا کار د افغانستان له ولس سره د نیک او دوستانه چلند ښکارنده دی. د کرونا ویروس نړیوال کړکیچ دی چې نړیواله ټولنه باید په ګډه یې پر وړاندې مبارزه وکړي.
د رسمي شمیرنو پر بنسټ، اوس مهال په افغانستان کې په کوویډ-۱۹ ویروس د اخته کسانو شمیر، ۱۶ زره او ۵۰۹ تنو ته رسیدلی دی، چې له دې منځه ۲۷۰ تنو خپل ژوند له لاسه ورکړی او ۱۴۶۰ تنه هم روغ شوي دي.
