آمریکا،افغانستان او اوزبیکستان تیره ورځ درې اړخیزه ناسته ترسره کړه.

د آمریکا د بهرنیو چارو وزارت سیاسي مرستیال ډیویډ هیل،د هیواد د بهرنیو چارو وزارت واکپال محمدحنیف اتمر او د اوزبیکستان د بهرنیو چارو وزیر عبدالعزیز پرون (څلور نۍ د غبرګولي ۷/مې ۲۷) د یوه ویډیویي کنفرانس له لارې د درې اړخیزو همکاریو پراختیا ترڅنګ د سیمه ییزو همکاریو پر پیاوړتیا ټينګار کړی دی.

د دې ناستې په ګډه اعلامیه کې چې د بهرنیو چارو وزارت له لوري خپره شوې راغلي دي چې آمریکا او اوزبیکستان د اختر درې ورځيني اوربند د دوام او همدا راز ژر تر ژره افغانانو ترمنځ خبرو اترو پیل غوښتونکي دي.

د اختر په درییو ورځو کې په هیواد کې هیڅ راز امنیتي پیښه رامنځته نشوه.

اوس د اختر له پای څخه د دوو ورځو په تیریدو سره،یوازی په پروان او زابل ولایتونو کې دوه امنیتي پیښو راپور ورکړل شوی دی.دا په خپله په هیواد کې د تاوتریخوالو د پام وکړ کمښت ښکارنده ده.

طالبانو اعلان وکړ چې د دوی پنځه کسیز پلاوی د دې ډلې د بندیانو تخنیکي کړکیچ حل لپاره کابل ته راغلی دی او د ملي امنیت شورا هم د دې خبر پخلی کوي.

دوحې او کابل ته زلمي خلیل زاد سفر وروسته،داسې تر سترګو کیږي چې د بندیانو د خوشې کیدو پر وړاندې خنډونه له منځه تللي دي.

د حکومت او طالبانو د ۶ زره بندیانو خوشې کیدنه د آمریکا او طالبانو ترمنځ لاسلیک شوې هوکړه لیک کې له مهمو ټکو څخه دي چې په پایته رسیدو سره به یې د افغانانو ترمنځ خبرې اترې پیل شي.خو له هیواد څخه د بهرنیو ځواکونو وتل د آمریکا او طالبانو ترمنځ هوکړه لیک یوه بله مهمه برخه ده.

که څه هم د آمریکا ولسمشر څو څو ځلي د خپل هیواد د ولسمشرۍ ټاکنو وړاندې له افغانستان څخه د ټولو آمریکایي سرتیرو پر تلو ټینګار کړی خو د دې هیواد پوځیان بیا بل څه وایي.

له افغانستان څخه د آمریکایي سرتیرو وتلو اړوند د ټرامپ له څرګندونو یوه ورځ وروسته د دې هیواد د دفاع وزیر ویلي دي چې دا کار پیاوړې لار نه ده.