ناټو په افغانستان کې د تاوتریخوالي د پام وړ کمښت غوښتنه وکړه.

د ناټو ستر منشي ینس استولتنبرګ د څلورنۍ په ورځ (تلې۳۰/اکتبر۲۱) په بروکسل کې د ناټو د دفاع وزیرانو د ناستې په څنډه کې وویل چې طالبان باید په خپلو ژمنو عمل وکړي او د تاوتریخوالي په کمیدو د اوربند لپاره لاره هواره کړي. هغوې باید خپلې اړیکې له القاعدې او نورو ترهګریزو ډلو سره پړې کړي او په ښه نیت سره خبرې اترې وکړي.

د ناټو ستر منشي همدا راز ټينګار کوي چې په افغانستان کې د ناټو پوځي حضور په برنامه کې هر ډول بدلون به د شرایطو پر بنسټ وي.

هغه همدا راز تر ۲۰۲۴ زیږدیز کاله د افغانستان له امنیتي ځواکونو څخه د ناټو او غړو هیوادونو د مالي ملاتړ د ژمنو له تکراره خبر ورکوي.

په همدې حال کې د هیواد مخکیني ولسمشر حامد کرزي همداشان د جګړو له ښکیلو خواوو غوښتي چې د افغانانو ترمنځ د خبرو اترو د بریا لپاره هڅې ګړندۍ کړي او ژر تر ژره له جګړې او ورور وژنې څخه لاس په سر شي.

ښاغلي کرزي په تخار ولایت کې د طالبانو لخوا د لسګونو امنیتي ځواکونو وژنه غندلی او اوسنۍ تحمیل شوی جګړه افغان وژنه بولي.