په هیواد کې د کرونا ویروس د مثبتو پیښو شمیر ۳۳۷ ته ورسید.

د عامې روغتیا وزارت ویاند وحیدالله مایار وایي چې په هرات کې د ۱۱۰ شکمنو پیښو تر منځ، لس پیښې یې مثبتې وی او همداشان د کابل په ازمیښت ځایونو کې د سل شکمنو پيښو تر منځ، ۲۸ مثبتې پيښې ثبت شوي دي.

د ښاغلي مایار په وینا، له ۲۸ مثبتو پيښو څخه، په کابل کې لس پیښې، په کندهار کې اته پيښې، په پکتیا کې درې پيښې، په بلخ کې دوه پيښې، په سمنګان کې دوه پيښې او یوه- یوه مثبته پيښه هم په کاپيسا او تخار ولایتونو کې ثبت شوي.

مخکې له دې، د عامې روغتیا وزارت په هیواد کې د دې ویروس له ډیریدو هیښتیا ورکړې وه او د کرونا ویروس پر وړاندې د مبارزې لپاره، له هیوادوالو د لا ډیرو مرستو غوښتنه کړې وه.