په افغانستان کې په کرونا اخته کسانو شمیر ۶۶۵ کسانو ته لوړ شو.
د عامې روغتیا وزارت ویاند وحیدالله مایار په یوې خبري ناسته کې وویل چې په تیرو ۲۴ ګړیو کې د هیواد به یو شمیر ولایتونو کې ۵۸ مثبتې پیښې شوې دي.
د ښاغلي مایار په وینا،۲۸ پیښې په کندهار،۱۳ په کابل،۷ په هلمند،۶ په نیمروز،۳ په تخار او یوه هم په کندز ولایت کې ثبت شوې ده.
په همدې حال کې،د هرات لابراتوار په تیرو ۲۴ ګړیو کې د ۲۸ شکمنو سمپلونو له منځه ۷ نویو پیښو له ثبته خبر ورکوي.
تر اوسه په هیواد کې د کوید۱۹ له کبله مړه شویو کسانو شمیر ۲۱ او روغ شویو کسانو شمیر هم ۳۸ کسانو ته رسیدلی دی.