د عامې روغتیا وزارت په تیرو ۲۴ ګړیو کې د هیواد په بیلابیلو سیمو کې د کرونا ویروس له امله د ۳۰ تنو له مړینې خبر ورکوي.
دې وزارت اعلان وکړ چې په دې موده کې په کرونا د ۵ زره او ۳۲ شکمنو نښو ترمنځ یو زره او ۵۶۶ نښې یې مثبت ګزارش شوي دي او ۱۸۱ تنه هم بیا روغ شوي دي.
د دې شمیر له ثبتیدو سره په هیواد کې د کرونا ویروس ټولیز شمیر ۷۳ زره او ۲۵۶ تنو ته رسیږي چې له دې منځه دوه زره او ۹۷۴ تنو خپل ژوند بایللی او ۵۷ زره او ۶۳۰ تنه هم بیا روغ شوي دي.
په همدې حال کې د عامې روغتیا وزارت چارواکي د دې ویروس د خپریدو څخه د اندیښنې په څرګندولو سره د هیوادوالو له لوري د روغتیایي تکو په رعایتولو ټینګار کوي.