په تیرو ۲۴ ګړیو کې په افغانستان ۲۸۵ کسان په کرونا ویروس اخته شوي دي.

د عامې روغتیا وزارت مرستیال وحیدالله مجروح په یوې خبري ناسته کې وویل چې په تیرو ۲۴ ګړیو کې د هیواد په ۱۴ ولایتونو کې ۲۸۵ نوې مثبتې پیښې ثبت شوې دي.

د نویو پیښو له منځه ۱۶۱ په کابل،۳۰ په کندهار،۱۸ په بادغیس،۱۸ په لوګر، ۱۶په ننګرهار،۱۱ په کنړ،۷ په هرات،۵ په کندز،۵ په غور،۵ په بامیان،۳ په هلمند،۳ په پروان،۲ په نورستان او یوه پیښه هم په میدان وردک ولایت کې ثبت شوې ده.

د ښاغلي مجروح په وینا په تیرو ۲۴ ګړیو کې دوو کسانو د کرونا ویروس له کبله خپل ژوند له لاسه ورکړی او ۱۶ نور هم روغ شوي دي.

د نویو پیښو په ثبت سره په افغانستان کې په کرونا د اخته کسانو شمیر ۴۶۸۷ تنو ته رسیږي چې له دې منځه ۵۰۴ تنه روغ شوي او ۱۲۲ تنو هم خپل ژوند له لاسه ورکړی دی.