د عامې روغتیا وزارت په تیرو ۲۴ ګړیو کې د کرونا له کبله د ۳۴ تنو له مړینې خبر ورکوي.

دې وزارت اعلان وکړ چې په دې مهال کې د ۴۳۹۲ شکمنو آزمېښت شویو بیلګو له منځه ۱۵۰۹ پیښې مثبتې ختلي او ۱۰۷ تنه هم روغ شوي دي.

د نویو پیښو په ثبت سره په هیواد کې په کرونا ویروس د اخته کسانو شمیر ۷۶ زره او ۶۵۳ تنو ته رسیدلی چې له دې منځه بیا ۳۰۶۸ تنو خپل ژوند له لاسه ورکړی او ۵۸ زره او ۷۰ تنه هم روغ شوي دي.

د روغتیا وزارت تل هیښتیا ورکړې ده چې که چیرې د هیواد والو له لوري روغتیايي ټکو ته پاملرنه ونه شي وضعیت به له دې هم خراب شي.