د عامې روغتیا وزارت په تیرو ۲۴ ګړیو کې په هیواد کې د کرونا له کبله د ۵۱ تنو له مړینې خبر ورکوي.

دې وزارت اعلان وکړ چې په دې مهال کې د ۵۰۴۴ شکمنو آزمېښت شویو بیلګو له منځه ۱۸۴۳ یې مثبتې ختلي او ۲۵۷ تنه هم روغ شوي دي.

د نویو پیښو په ثبت سره په هیواد کې په کرونا ویروس د اخته کسانو شمیر ۸۵ زره او ۸۹۳ تنو ته رسیدلی چې له دې منځه بیا ۳۳۵۶ تنو خپل ژوند له لاسه ورکړی دی.

له بلې خوا هیواد وال لا هم په روغتونونو کې د آکسیجن له کمښت څخه شکایت لري خو د روغتیا وزارت یې د حل لپاره له هڅو خبرې کوي.