د عامې روغتیا وزارت وایي چې به تیرو ۲۴ ګړیو کې، د هیواد په ۲۳ ولایتونو کې د کوویډ-۱۹ ۳۳۰ مثبتې پيښې ثبت شوې دي.

 

د روغتیا وزارت د روغتیايي چوپړتیاوو د وړاندې کولو د چارو مرستیال، وحید مجروح، نن (درې نۍ،غوایي۱۶/مې پنځمه)، په یوې خبري ناسته کې وویل چې په تیرو ۲۴ ګړیو کې د کرونا ویروس د ۹۸۱ شکمنو پيښو له منځه، ۳۳۰ یې مثبتې وې.

د روغتیا وزارت د شمیرنو پر بنسټ؛ هرات ۵۹، کابل ۴۵، کندهار ۴۱، بلخ ۳۸، پکتیا ۲۶، ننګرهار ۱۳، پنجشیر ۱۲، لغمان و تخار  هر یو  ۱۱ پيښې، لوګر او سمنگان هر یو ۱۰ پيښې، پکتیکا ۹، پروان ۷، فاریاب ۶، په کنړ، کندز و غزني هر یو ۵ پیښې، په وردک او کاپیسا کې څلور-څلور پيښې، در بدخشان او زابل کې درې پیښې، فراه کې دوه پيښې او هلمند کې هم یوه پيښه ثبت شوې دي.

ښاغلي مجروح زیاته کړه چې په دې موده کې، ۲۴ تنه ښه شوي او پنځه تنه هم مړه شوي چې له دې سره؛ د روغ شویو کسانو شمیر ۴۲۱ تنو او د مړو شمیر هم ۹۵ تنو ته رسیدلی دی.

د روغتیا وزارت مرستیال یو ځل بیا ټینګار وکړ چې تراوسه د کرونا ویروس د لمنځه وړلو لپاره هیڅ درمل ندي جوړ شوي او له دې ویروس سره د مبارزې یوازینۍ لار، د روغتیایي سپارښتنو په پام کې نیول او له راټولیدنو ډډه ده.