د عامې روغتیا وزارت وایي، که څه هم په هیواد کې د کرونا ویروس پیښې لږې شوي، خو د دې ویروس د ځانګړو روغتونونو او ازمیښتځایونو د وړتیاوو د لوړولو بهیر بهیر دوام لري.

 

د عامې روغتیا وزارت ویاند، اکمل سمسور نن (یوه نۍ، زمري۲۶)، په یوې خبري ناسته کې وویل چې د کرونا ویروس د دویمې څپې پر وړاندې د مبارزې لپاره، ټول چمتووالی نیول شوی.

ښاغلي سمسور زیاته کړه چې افغانستان اوس د کوویډ-۱۹ پر وړاندې په مبارزه کې ښه حالت لري او په تیرو دوو اوونیو کې، ۳۴ ولایتونو ته د آکسیجن د تولید ۵۶۰ دستګاوې استول شوي.

هغه همداراز په دولتي او خصوصي مرکزونو کې، ۲۲ ته د کرونا د تشخیصیه مرکزونو د ازمیښتځایونو د لوړوالي خبر ورکړ.

له بلې خوا، د عامې روغتیا وزارت ویاند، د خپلواکۍ د جشن د نمانځنې او محرم میاشت ته نږدې کیدو سره، له هیوادوالو او عزالرونکو وغوښتل، چې د کرونا ویروس د دویمې څپې د مخنیوي لپاره، له پراخو راټولیدنو ډډه وکړي او روغتیايي سپارښتنې په پام کې ونیسي.

د عامې روغتیا وزارت ویاند همداراز وویل چې په تیرو ۲۴ ګړیو کې، په هیواد کې د کرونا ویروس ۴۸ پيښې ثبت شوي چې له دې شمیر سره، په دې ویروس د اخته کسانو ټولیز شمیر تراوسه ۳۷۵۹۹ ته اوچت شوی.

هغه وویل چې په دې موده کې به کوویډ-نوولس ۵۷ اخته کسان روغ شوي چې له دې سره د روغو شویو کسانو شمیر ۲۷زره او ۲۲۳ تنو ته رسیدلی دی.