په بادغیس ولایت کې د لومړي ځل لپاره د پستې پروسس لومړۍ کارخونې فعالیت پیل کړ.

دا کارخونه د ۱۶۰ زرو ډالرو په ارزښت د دولت او خصوصي سکتور لخوا په ګډه جوړ شوی او د بادغیس د کرنې ریاست د چارواکو په وینا، د پستې د معیاري پروسس سره به د دې وچې میوې بیه هم لوړه شي. مخکې له دې کرنیز پایداوار په ځانکړي توګه پستې په غیر معیاري او پخواني ډول پروسس کیدل. 

د بادغیس والي حسام الدین شمس وايي په سیمه او نړۍ کې د کرهنیزو پایداوارو په ځانګړي توګه د پستې د بازار موندنې لپاره هڅې روانې دي.

د دې ولایت سیمه ییز چارواکي وایي چې د کرونا ویروس د خپریدو له امله د هیواد د کورنیو تولیداتو صادارت کم شوي دي.

خو په دې ولایت کې د پستې یو شمیر سوداګر د پستې د پروسس کارخونې د فعالیت په هکله خوشبین دي او وايي چې له دې وروسته به د وچې میوې بیه په بازارونو کې ډیر شي.

د بادغیس ولایت د پستې ترټولو لوی ځنګلونه لري؛ خو څو لسیزو جګړو د دې ځنګلونو لویې سیمې ویجاړې کړې او د دې میوې پایدوار هم کم شوي دي.

ژباړه-نجلامایار