| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د بلخ پولیسو په مزارشریف ښار کې د یوه کس د وژل کیدو په تړاو د درییو تنو له نیولو خبر ورکوي.
د بلخ د پولیسو مشر سیدمعراج الدین سادات وایي چې نږدې یوه میاشت مخکې یوې کورنۍ ادعا وکړه چې ورور یې د سړي تښتونکو له لوري برمته شوی دی، خو له څیړنو وروسته روښانه شوه چې د دې کس میرمنې له خپل زوی او یوه بل کس سره په همکارۍ هغه وژلی دی.
د وژل شوي کس میرمن وايي چې د خپل خاوند له لوري د تاوتریخوالو له کبله یې په دې کار لاس وهلی دی.
ښاغلي سادات زیاته کړه چې د دې کس د زوی په ګډون دوه نور کسان هم د دې پیښې په تړاو نیول شوي دي او په خپل جرم یې اعتراف کړی دی.
په وروستیو میاشتو کې په مزارشریف ښار کې د جنایي جرمونو لوړیدو له کبله اندیښنې ډیرې شوې دي خو امنیتي پازوال بیا په دې ولایت کې د جنایي پیښو کمیدو لپاره له هڅو خبر ورکوي.
