د تیرکال په وروستیو میاشتو کې سختې سړوښې او ګلیو وریدو له کبله ډیرۍ بڼونه له حاصل ورکونې پاتې دي.

په بلخ ولایت کې یو شمیر بڼ والان د دې حالت اړوند اندیښمن دي او وایي چې په روان کال کې بازار ته بسیا میوې نشي وړاندې کولای.

دوی همداراز ټینګار لري چې د تاوان د جبران او د بڼونو بیا رغیدو لپاره، د حکومت مرستو ته اړتیا لري.

د بلخ د کرنې او اوبو لګونې ریاست هم د دی پخلی کوي چې د تیر کال په وروستیو ورځو کې یخونو په بلخ کې د میوو ډیرو ونو ته تاوان رسولی او ګلونه یې ترې رژولي دي.

د دې بنسټ پازوال ټینګار لري چې ډیرۍ تاوان د بادام بڼونو ته رسیدلی او د دې پیداوار کلنی حاصل ورکړه پنځه سلنه لږه شوې ده.

د بلخ د کرنې او اوبو لګونې ریاست کروندګرو او بڼ والانو سره د مرستو د دوام خبر ورکوي او ټینګار لري چې هڅه کوي له دې وروسته بڼوالانو ته له سړوښې د میوو د ونو د ساتنې زده کړې ورکړي.

افغانستان یو کرنیز هیواد دی او د سختې وچکالۍ وړاندوینه د کروندګرو او مال لرونکو پر وړاندې له جدي ستونزه شمیرل کیږي چې په ځینو سیمو کې د جدي