په بلخ ولایت کې د کرونا ویروس دوه سوه بستریز ځانګړي روغتون په خپلو چارو پیل وکړ.

د بلخ د عامې روغتیا ریاست پازوال وایي،دا روغتون د دوه سوه (۲۰۰) نا روغانو لپاره جوړ شوی خو د اړتیا په صورت کې دا مرکز د درې سوه (۳۰۰) نا روغانو وړتیا لري.

د بلخ د عامې روغتیا مشر خلیل الله حکمتي،وایي له کوید۱۹ پر وړاندې مبارزې لپاره بلخ ولایت ته ۱۸ میلیونه افغانۍ ځانګړې شوې دي.

 

ښاغلي حکمتي زیاته کړه چې څو ورځې وړاندې ټول روغتیایي تجهیزات د بلخ ولایت مقام،مستوفیت او روغتیا ریاست د استازو په حضور سره پیرل شوي او د کوید۱۹ نا روغانو څخه د درملنې او ساتنې په موخه دې روغتون ته رسیدلي دي.

دبلخ د روغتیا مشر وایي چې په بلخ کې د کرونا ویروس مثبتو پیښو شمیر ۲۱ کسانو ته لوړ شوی او اوس مهال ۷ شکمن کسان هم په قرنطین کې دي.

خلیل الله حکمتي همدا شان وویل د هغو پنځو ولسوالیو قرنطین هم باید جدي ونیول شي چې په کې د کرونا ویروس ډیر نا روغان په کې دي.