په شمال کې د ۲۰۹ شاهین قول اردو په بلخ ولایت کې د چاڼیزو عملیاتو له پیله خبر ورکوي.
د دې قول اردو د خبرپاڼې پر بنسټ،دا عملیات د هوایې ځواکونو په ملاتړ په شورتېپې،بلخ،چمتال،چهاربولک او دولت آباد ولسوالیو کې په لاره اچول شوي دي.
خبرپاڼه زیاتوي چې په دې عملیاتو کې به د بلخ – جوزجان لویه لار هم د وسله والو طالبانو له شتونه چڼ شي.
له بلې خوا د ملي دفاع وزارت اعلان کړی دی چې د دې وزارت لومړی مرستیال محمدیاسین ضیا د بلخ ولایت د امنیتي وضعیت څيړلو لپاره دې ولایت ته سفر کړی دی.
آرزو خبري سایټ ــ شمس الله رحیمي