په تالقان ښار کې یو ښوونځی د ناپيژانده وسله والو کسانو له لوري وسوځول شو.
له تخار څخه یوشمیر سرچینې وایې د ابو عثمان تالقاني ښوونځی نن سهار (زمري ۲۳) د نا څرګندو وسله والو کسانو له لوري سوځول شوی او ټول تجهیزات یې هم له منځه تللي دي.
سیمه ییز چارواکي وایی دی ښوونځي درې زره زدکونکي درلودل.او د تالقان ښار یو له لرغوني ښوونځیو څخه شمیرل کیده.
د تخار سیمه ییز چارواکي همداشان وایي چې تر اوسه د دې پيښې په تړاو څوک نه دي نیول شوي.د راپورونو پر بنسټ په تیر یوه کال کې دا درییم ښوونځی دی چې په تخار کې سوځول کیږي.