ملي دفاع وزارت په تیرو ۲۴ کې د هیواد په ۱۵ ولایتونو کې د ۲۷۱ طالب جنګیالیو له وژل کیدو خبر ورکوي.

د دې وزارت په خبرپاڼه کې راغلي دي چې په ننگرهار، میدان وردک، خوست، قندهار، فراه، هرات، بادغیس، سرپل، جوزجان، نیمروز، هلمند، بدخشان، کندز، تخار او کاپیسا ولایتونو کې د امنیتي ځواکونو او وسله والو طالبانو ترمنځ نښتې په پایله کې ۲۷۱ وسله وال طالبان وژل شوي او ۱۶۲ تنه هم ټپیان دي.

خبرپاڼه زیاتوي چې په دې نښته کې د دې ډلې ۱۸ کړۍ بیلابیل ډوله ماینونه هم کشف او شنډ شوي دي.

طالبانو تر اوسه په دې اړه څه نه دي ویلي.