په تیرو ۲۴ ګړیو کې په هیواد کې په کرونا ویروس ۶ اخته کسانو خپل ژوند له لاسه ورکړی دی.
د عامې روغتیا وزارت اعلان وکړ چې په دې مهال کې په کرونا د ۱۹۱۱ شکمنو آزمښت شویو بیلګو له منځه ۲۷۵ یې مثبتې ختلي او ۱۷۰ تنه هم روغ شوي دي.
د نویو شمیرنو په ثبت سره په هیواد کې په کرونا ویروس د اخته کسانو شمیر ۶۰ زره او ۵۶۳ تنو ته رسیدلی چې له دې منځه بیا ۲۶۴۸ تنو ژوند بایللی او ۵۳ زره او ۵۶۱ تنه هم روغ شوي دي.
د هیواد د عامې روغتیا وزارت یو ځل بیا ټينګار کوي چې د کرونا ویروس درییمه څپله په هیواد کې د خپریدو په حال کې ده او له هیواد والو غواړي ترڅو روغتیايي ټکو ته پاملرنه وکړي.