په تیرو ۲۴ ګړیو کې په کرونا ویروس شپږو اخته کسانو خپل ژوند له لاسه ورکړی دی.

د عامې روغتیا وزارت اعلان وکړ چې په تیرو ۲۴ ګړیو کې همدا راز ۱۳۲ تنه په کووید۱۹ اخته شوي دي.

اوسمهال په هیواد کې په کرونا ویروس د اخته کسانو شمیر ۴۷ زره او ۳۸۸ تنو ته رسیږي چې له دې منځه یو زرو اته سوه او اوه څلویښت(۱۸۴۷) تنه هم د دې ویروس له کبله خپل ژوند له لاسه ورکړی دی او ۳۷ زره او درې سوه او ۴۷ تنه هم روغ شوي دي.

په همدې حال کې حکومت د کرونا واکسین پلې کیدو لپاره د نړیوالو مرستو جلبولو په لټه دی.

ولسمشرۍ ماڼۍ مانۍ اعلان وکړ چې د نړیوال بانک او آسیا پراختیايي بانک په افغانستان کې د کووید۱۹ واکسین لومړني پړاو له پلې کیدو څخه د تمویل خبر ورکړی دی.

خبرپاڼه زیاتوي چې مرسته کوونکي بنسټونه هم له افغانستان سره مالي مرستو پر سر کار کوي.