| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
نږدې ۲۰ تنو امنیتي ځواکونو په جوزجان ولایت کې د طالبانو د یرغلیزو بریدونو په پایله کې خپل ژوند له لاسه ورکړی دی.
د جوزجان د ولایتي شورا یو غړي آرزو ټلویزیون ته ویلي چې طالب جنګیالیو تیره شپه (درې نۍ، غبرګولي۲۸/جون۱۷)، په آقچه ولسوالۍ کې په ګڼو اډو بریدونه کړي چې په دې نښتو کې، اتلسو امنیتي ځواکونو خپل ژوند له لاسه ورکړی او ۹ تنه هم ټپیان شوي دي.
د ولایتي شورا دې غړي ټینګار وکړ چې طالبان د پوځ پنځه ځواکونه له ځانه سره بیولي دي.
په همدې حال کې د جوزجان د والي ویاند، معروف آذر ویلي چې په دې نښته کې، اوو امنیتي ځواکونو خپل ژوند له لاسه ورکړی او درې تنه نور ټپيان شوي دي. د ښاغلي آذر په وینا، طالبانو ته په دې نښته کې درنده مرګ ژوبله اوښتې ده.
د یوه بل خبر له مخې، د کندز ښار په تلوکې سیمه کې د امنیتي ځواکونو په یوې اډې د طالبانو په یرغلیز برید کې، ۹ تنه امنیتي ځواکونه مړه او ټپیان شوي.
