د دې ناستې په پای کې د جمهوریت او طالبانو پلاویو د یوې ګډې اعلانپاڼې په خپرولو سره د سولې د خبرو اترو د بهیر په چټکتیا هوکړه وکړه.

په دې اعلانپاڼه کې راغلي دي چې ژر تر ژره دې د اوسنۍ جګړې حل لپاره تلپاتې او عادلانه حل لاره تر لاسه شي.

ټولې غاړې ډاډ ورکوي چې په ټول هیواد کې له ملکي بنسټونو به ساتنه کوي، د ملکي وګړو له مرګ ژوبلې به مخنیوي کوي او او بشري مرستو په اړه به هم همکاري کوي.

په اعلانپاڼه کې همدا شان راغلي دي چې په ټول هیواد کې د کرونا ټولنیونې له کبله به د د واکسیناتورانو د امنیت ټینګښت لپاره به ټول مناسب ګامونه پورته کوي.

دواړو لوریو هوکړه وکړه چې دې موخو ته د رسیدو لپاره خپلو ناستو ته دوام ورکوي او د دواړو لوریو مشرانو د خبرو اترو د بهیر چټکتیا لپاره خپلو مذاکراتي ډلو ته سپارښتنې وکړې.