په سرپل کې د ماین چاودنې په پایله کې ۶ ماشومانو خپل ژوند له لاسه ورکړی دی.
د سرپل د والي ویاند ذبیح الله اماني وایي طالب جنګیالیو دا ماین په سنچارک ولسوالۍ کې د یوه عام وګړي په کور کې ځای پر ځای کړی وو چې په دې چاودنه کې شپږ ماشومان مړه او دوې میرمنې هم ټپیانې شوي دي.
د ښاغلی اماني په وینا دا پيښه د طالبانو تر کنترول لاندې سیمه کې تیره ورځ ناوخته (څلورنۍ،وږي۱۲) رامنځته شوې ده
د هیواد په بیلابیلو سیمو کې د واټ تر غاړې ماین چاودنې ډیر د ماشومانو په ګډون د عام وګړو څخه قرباني اخلي او د هیوادوالو د جدي اندیښڼې لامل ګرځیدلی دی.