د سمنګان په درې صوف ولسوالۍ کې د سکرو دوه کانونو چاودنې له امله لږ تر لږه ۱۶ کان کیدونکو خپل ژوند له لاسه ورکړی دی.
د سمنګان سیمه ییز چارواکي وایي دا پیښه پرون وروسته له غرمې د درې نۍ په ورځ ( غبرګولی ۲۰ / جون ۹ ) د کانونو د غیر معیاري کیندنې له امله رامنځته شوې ده.
د سمنګان والي عبدالطیف ابراهیمي وایي عملیاتي ټیمونه لا هم کار کوي ترڅو په دی کانونو کې پاتي شوي خلک راوباسي
د سمنګان د درې صوف ولسوالۍ کانونه د غیر معیاري کیندنې له کبله هر کال د ډیرو پيښو شاهد وي چې د لسګونو تنو د ژوند اخیستلو لامل هم ګرځي.