په غزني او بدخشان ولایتونو کې د امنیتي ځواکونو په هوایې او ځمکنیو عملیاتو کې،۱۴ وسله وال طالبان وژل شوي دي.
د ملي دفاع وزارت په خبرپاڼه کې راغلي دي چې ۱۱ وسله وال طالبان د غزني په ګیلان ولسوالۍ کې د هوایې بریدونو په پایله کې وژل شوي دي.
خبرپاڼه زیاتوي چې د بدخشان په وردوج ولسوالۍ کې هم د امنیتي ځواکونو په عملیاتو کې درې وسله وال طالبان وژل شوي.
د دې وزارت د خبرپاڼې پر بنسټ، دا عملیات د بدخشان د وردوج ولسوالۍ پلسنگاني سیمه کې د طالبانو یرغلیزو بریدونو په ځواب کې پیل شوي دي.
طالبانو تر اوسه په دې اړه څه نه دي ویلي.