| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ملي امنیت عمومي ریاست په غزني ولایت کې د خبریالانو د ټولنې د مشر، رحمت الله نیکزاد د وژنې په تړاو د دوو تنو د نیول کیدو خبر ورکړی دی.
د دې بنسټ په خبرپاڼه کې راغلي چې دا کسان؛ هر یو حمیدالله او ذکراالله نوم لري او د پنځو زرو خوشې شویو طالب بندیانو له منځه دي چې بیا په غزني ښار کې د موخه ییزو ترورونو د مسوول قاري عبیدالله په ترهګریزه ډله کې جذب شوي دي.
د ملي امنیت د خبرپاڼې پر بنسټ، نیول شويو کسانو په تیرو دوو میاشتو کې، په غزني ولایت کې یو قاضي او د مستوفیت دوه کارکوونکي ترور کړي او په ګڼو ماین ایښودنو کې یې هم لاس لرلی دی.
د ملي امنیت ریاست ټینګار کړی چې نیول شویو کسانو خپل جرم منلی دی.
د طالبانو ډلې تراوسه په دې تړاو څه ندي ویلي.
