له دوولسمو ورځو ځنډ وروسته په قطر کې، د افغانستان د دولت او طالبانو د ډلې پلاویو تیره ورځ ماښام ( دوه نۍ/دوشنبه ،تلې/میزان ۲۱ مه) ناسته درلوده.
د افغانستان د دولت د مرکچي پلاوي ویاند نادر نادري، او په قطر کې د طالبانو د سیاسي دفتر ویاند نعیم وردک په خپلو ټویټرونو کې لیکلي دي چې په دې ناسته کې د اختلافي سکالو پر سر بحث شوی او د دواړو لوریو ترمنځ خبرې دوام لري.
د راپورونو پر بنسټ، دا خبرې اترې د افغانستان د سولې لپاره د آمریکا ځانګړي استازي زلمي خلیل زاد او یوشمیر نورو هیوادنو په منځګړیتوب بیا پیل شوې دي.