د آمریکا د بهرنیو چارو وزیر کابل ته د سفر او له ولسمشر غني او عبدالله عبدالله سره له لیدنې وروسته،دوحې ته تللی او په قطر کې د طالبانو له سیاسي مرستیال سره یې لیدنه کړې ده.

طالبانو د یوې خبرپاڼې په خپرولو سره ویلي دي چې د آمریکا د بهرنیو چارو وزیر مایک پامپیو،تیره ورځ ناوخته د دې ډلې له پلاوي سره د لاسلیک شوي هوکړه لیک له ډیر پلې کیدو اړوند او په بیړې د بندیانو پر خوشې کیدو،بحث کړی دی.

خبرپاڼه زیاتوي ملابرادر له مایک پامپیو سره په لیدنه کې ټينګار کړی دی چې د سولې د هوکړه لیک په عملي کیدو سره به ، د افغانانو ترمنځ خبرو اترو،تلپاتې سولې،اوربند او د هیواد سیاسي نظام لپاره لار هواره شي.