په مزارشریف ښار کې د دو پرلپسې چاودنو په پایله کې دوو کسانو خپل ژوند له لاسه ورکړ او ۹ تنه نور ټپیان شول.
د بلخ امنیتي پازوال وایي چې لومړنۍ چاودنه تیره شپه ۹ بجې(چنګاښ ۱۱/ جولاې ۱) د مزارشریف ښار دریمې امنیتي حوزې اړوندو سیمو کې په یوه ګلدان کې ځای پر ځای شوي ماین له کبله رامنځته شوه او کله امنیتي ځواکونه سیمې ته ورسیدل دویمه چاودنه رامنځته شوه.
په دې پیښه کې د درېمې امنیتي حوزې د مرستیال په ګډون ۹ امنیتي ځواکونه ټپیان شوي او یوه امنیتي سرتیري او یوه ملکي کس خپل ژوند له لاسه ورکړی دی.
تراوسه د دې چاودنو پړه کومې ډلې پر غاړه نده اخیستې.