د کندهار د کرنې ادارې مشر سید حفیظ الله سیدي وايي، په روان کال کې د دې ولایت د انارو له باغونو ۱۹۰ مټریک ټنه حاصل تر لاسه شوي چې د تیر کال په پرتله ډيروالی ښيي.

که څه هم په کندهار کې د انارو پیداوار ډير شوي دي خو له پاکستان سره د سرحد تړل کیدو له کبله بڼ لروونکو ته ډير تاوان رسیدلی دی.

د دې ولایت بڼ لروونکي وايي چې له یوې خوا د حکومت نه ملاتړ له کبله د انارو کیفیت ټیټ شوی له بلې خوا د پاکستان د سرحد تړلي پاتې کیدو له کبله په بازار کې  د انارو بیه ټیټه شوې ده.

دوی ټینګار لري چې دې ستونزې د کندهار بڼ لروونکو ته ډير تاوان رسولی دی.

د کندهار د سوداګرۍ خونه هم ټینګار لري چې د افغانستان او پاکستان ترمنځ اړیکو ترینګلیددو له کبله، ډيری تاوان د تازه میوو سوداګرو ته رسیدلی دی.

خو د کندهار سیمه ییز پازوال د دې ستونزې حل لپاره د هڅو له پیله خبر ورکوي.

د کندهار بڼ لروونکي وایي چې د بازار د نشتون او د انارو د بیې ټیټوالي له کبله اړ شوي دي ترڅو له دې میوې څخه مربا جوړه کړې.