دننګرهار د والی ویاند عطاالله خوګیاڼي رسنیو ته وویل چې د وروستیو ورښتونو او سیلابونوپه پایله کې ددی ولایت په روداتو او سرخ سرود ولسوالیو کې د دو ښځو او دو ماشومانو په ګډون پنځو کسانو خپل ژوند له لاسه ورکړی او دري نور ټپیان شوي دي.

طبیعي پېښو ته د رسیدنې په چارو کې د دولت وزارت د یوې اعلامې په خپرولو سره ویلي وو چی د وری له ۲۳ مې څخه ددی میاشتې تر ۲۸ مې نېټې به د افغانستان په ټولو ولایتونو کې سخت بارانونه ووریږي.

په دی اعلامیه کې راغلي دي چی د افغانستان ۲۵ ولایتونه به د سیلابونو د بهیدو شاهدان وي او د هیواد د ختیځو،لویدیزو او مرکزي ولایتونو له اوسیدونکو هم غوښتل شوي وو ترڅو په دی برخه کې لازم چمتو والی ولري.