دا جشن هر کال د ننګرهار د اطلاعاتو او فرهنګ ریاست له لورې او د دې ولایت د والي او د هیواد او سیمې هیوادونو یو شمیر شاعرانو په ګډون د موسیقۍ او مشاعرې برنامو سره ترسره کیږي.
که څه هم سږکال ناکراریو په دې ولایت سیوری خپور کړی خو د نارنج ګل مشاعره له شور او ځواک سره د باچاخان مزار ته څیرمه ترسره شوه، خو ګډونوالو د دې برنامې په محدودیتونو نیوکه وکړه.
په همدې حال کې سمیه ییز پازوال ژمنه وسپارله چې راتلونکی کال به دا میله لا پرتمینه ونمانځي.
د نارنج ګل جشن د لومړي ځل لپاره د ظاهرشاه د واکمنۍ پرمهال یعنې له نن څخه ۵۶ کاله مخکې په ۱۳۴۴ کال کې په سپین غر هوټل کې ترسره شو.