په هرات، بادغیس او بامیان ولایتونو کې د کرونا ویروس خپریدل ډیر شوي.
د عامې روغتیا وزارت له هیوادوالو غواړي چې دې ولایتونو ته سفر ونکمړي او هغه کسان چې دې ولایتونو ته سفر لري، باید روغتیايي سپارښتنې په پام کې ونیسي.
د عامې روغتیا وزارت ویاند، اکمل سمسور نن (دوه نۍ، چنګاښ ۳۰)، په یوې خبري ناسته کې، په تیرو ۲۴ ګړیو کې د کرونا ویروس د ۴۰ نویو مثبتو پيښو د ثبت، د ۲۲ تنو د رغیدو او ۲ تنو د مړینې خبر ورکړ.
د دې وزارت د شمیرنو پر بنسټ، په کوویډ-۱۹ د اخته کسانو ټولیز شمیر، ۳۵زره او ۵۰۳ تنو ته ورسید.
د عامې روغتیا وزارت پازوال همداراز دا ویروس جدي ګواښ بولي او له هیوادوالو غواړي چې روغتیايي سپارښتنو ته پام وکړي.