| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
په هرات ولایت کې د ناپيژانده وسله والو کسانو په ډزو کې درییو تنو ژوند بایللی او ۱۴ نور ټپیان شوي دی.
امنیتي سرچینې د دې پیښې په پخلي سره آرزو ټلویویزیون ته وايي چې تیره ورځ ماښام یو شمیر کورنۍ چې د تفریح لپاره د هرات انجیل ولسوالۍ اړوند ساوه کلي کې یوه باغ ته تللي وو، د وسله والو کسانو تر ډزو لاندې راغلي دي چې په پایله کې یې درییو تنو ژوند بایللی او ۱۴ نور ټپیان دي.
د سرچینو په وینا لومړنۍ څيړنې ښيي چې ناپیژانده وسله وال کسان مخکې له مخکې په دې باغ کې ځای پر ځای شوي وو او د میلمنو له ورتګ څخه خبر وو.
سرچینه زیاتوي چې دا پیښه د شخصي دښمنۍ له کبله رامنځته شوې او په تړاو یې دوه تنه نیول شوي هم دي.
دې سرچینې همدا شان ویلي دي چې د قربانیانو او ټپيانو په منځ کې ښځې او ماشومان هم شامل دي.
له بلې خوا د هرات د پولیس مشرۍ ویاند عبدالاحد ولي زاده د دې خبر په پخلې سره وايي چې په دې پیښه کې دوو میرمنو او یوه ماشوم خپل ژوند له لاسه ورکړی او ۱۱ نور ټپیان شوي دي.
