د کرنې وزارت په ۱۳۹۹ لمریز کال کې د څارویو نږدې درې میلیونه پوستونو له تولید څخه خبر ورکوي.

د کرنې مالدارۍ او اوبو لګونې وزارت د احصایې او مالوماتو ریاست شمیرنې ښيي چې په ۱۳۹۹ لمریز کال کې د څارویو دوه میلیونه او ۷۸۴ زره او ۲۱۸ پوستونه په ټول هیواد کې تولید شوي دي.

دا وزارت وايي چې د څارویو د پوست ډيری تولید کوونکی په هرات، سرپل، غزنی، پروان، بغلان، فاریاب، کندز، کندهار او فراه  ولایتونو کې دي.

د میږې قره قُل،غوا،میږه. اووزه او ګیدړه له هغو څارویو دي  چې له پوستکو یې ډيره ګټه پورته کیږي او د خلکو ډيره لیوالتیا هم له قره قُل سره ده چې د هیواد په شمال کې سمبالیږي.

د قرقُل خولۍ د افغانستان له نامتو لاسي صنایعو بلل کیږي خو په دې وروستیو کې یې ګټنه لږه شوې ده.