د عامې روغتیا وزارت په هیواد کې په تیرو ۲۴ ګړیو کې، د کرونا ویروس د ۳۷ نویو پيښو د ثبت خبر ورکړ.

 

د دې وزارت چارواکي وایي چې نوې پيښې، ۱۶ په کابل، اته په هرات، دوه-دوه پیښې په کندهار، لوګر، دایکندي او تخار، او یوه-یوه پيښه په بامیان، پروان، غور، بادغیس او نیمروز ولایتونو کې ثبت شوي دي.

له دې سره په هیواد کې د کرونا ویروس د مثبتو پيښو ټولیز شمیر، ۵۲۱ ته لوړ شو.

په همدې حال کې حکومت ۱۵ ټنه روغتیايي توکي، بلخ، ننګرهار او سمنګان ولایتونو ته استولي دي.