په افغانستان کې د کرونا ویروس مثبتو پیښو شمیر ۱۷۴ کسانو ته لوړ شوی دی.

د عامې روغتیا وزارت اعلان وکړ چې په تیرو ۲۴ ګړیو کې د اتو میرمنو په ګډون ۲۵ نوې مثبتې پیښې په هرات،دوه په کندهار،یوه په نیمروز او یوه بله هم په دایکندي ولایت کې ثبت شوې دي.

د عامې روغتیا وزارت په وینا،دا پیښې  په کووید ۱۹ دوه سوه (۲۰۰) شکمنو کسانو له منځه د هرات او کابل په آزمښت ځایونو کې تشخیص شوې دي.

په همدې حال کې د آمریکا متحده ایالاتونه د کرونا ویروس پر وړاندې مبارزې لپاره د افغانستان له حکومت سره له پنځه میلیونه ډالري مرستو خبر ورکړی دی.

په کابل کې د آمریکا سفارت په اعلانپاڼه کې ویلي دي،دا شمیر پیسې د کووید ۱۹ د تشخیص او درملنې په موخه په تیره کورنیو بیځایه شویو څخه د ملاتړ لپاره ترسره کیږي.

اعلانپاڼه همدا شان زیاتوي چې آمریکا د کرونا ویروس د آزمښت ځایونو ښه والي،دمخنیوي مدیریت د مکروب کنټرول او تخنیکي مرستو څارنې څخه ملاتړ ټه ژمنه ده.