په افغانستان کې په ۹۳۳ کسان په کرونا ویروس اخته شول.

د عامې روغتیا وزیر فیروز الدین فیروز په یوې خبري ناسته کې وویل چې په تیرو ۲۴ ګړیو کې په کابل، پکتیا، لوگر، هرات، بامیان او دایکندي ولایتونو کې ۲۷ نوې مثبتې پیښې ثبت شوې دي.

د ښاغلي فیروز په وینا ۱۲ په کابل،۷ په پکتیا،۴ په لوګر،۲ په هرات او یوه یوه هم په بامیان او دایکندي ولایتونو کې ثبت شوې دي،او همدا شان درې کسانو هم په تیرو ۲۴ ګړیو کې د کوید۱۹ له کبله خپل ژوند له لاسه ورکړی چې له دې سره په هیواد کې د مړه شویو کسانو شمیر ۳۳ ته ورسید.په تیرو ۲۴ ګړیو کې ۱۳ کسان هم روغ شوي چې د روغ شویو کسانو ټولټال شمیر هم ۱۱۰ ته رسیدلی دی.