په کابل کې د هوا د ککړتیا د کچې لوړیدو سره هم مهاله، د ماشوم روغتیا روغتون په دې ولایت کې په تیرې یوې میاشت کې د هوا د ککړتیا له کبله د ناروغیو په پایله کې ۴۰ ماشومانو د مړینې خبر ورکړی.

 

په همدې حال کې د چاپيریال ساتنې ملي اداره هم وایي چې د هوا د ککړتیا کچه د تیرو دوو میاشتو په پرتله څو برابره ډیره شوې او په ناپلان شویو سیمو کې د لوګیو لرونکو توکو ګټنه د دې حالت لامل دی.

د پلازمینې یو شمیر اوسیدونکي هم وایي چې په وروستیو ورځو کې د شپې مهال د هوا ککړتیا ډیریږي او حکومت یې هم پر وړاندې بې غوره دی.

له بلې خوا په کابل کې د ماشوم روغتیا روغتون د چاپیریال ککړتیا له کبله د ماشومانو د مړینې له ډیریدو اندیښنې ښودلو سره، د هوا د ککړتیا له کبله په سینه و بغل ناروغۍ د ۳زرو ماشومانو د اخته کیدو خبر ورکوي.

له دې سره د چاپیریال ساتنې اداره وایي چې په روان کال کې د هوا د ککړتیا له کبله، د چاپیریال ۵زره ککړونکې سرچینې یې پيژندلې دي.

د سړوښې موسم رارسیدو سره، د هیواد په لویو ښارونو او په ځانګړې توګه د پلازمینې د هوا د ککړتیا کچه لوړه شوې ده.