د امنیتي ځواکونو پر موټر وسله وال برید په پایله کې،دو پولیس سرتیرو خپل ژوند له لاسه ورکړ او درې نور ټپیان شول.

د کورنیو چارو وزارت ویاند نصرت رحیمي وایې چې دا برید نن سهار (د لیندۍ ۱۱ مه/ډیسمبر ۲ مه)د کابل ښار نهمې حوزې اړوندو پلچرخی واټ کې رامنځته شوې ده.

ښاغلي رحیمي د دو سرتیرو وژل کیدو او درېو ټپي کیدو پخلی کړی دی.

ښاغلي رحیمي همدا شان زیاته کړې ده چې وسله وال بریدګر له سیمې تښتیدلي او د هغوی نیولو لپاره هڅې دوام لري.

د دې برید پړه تر اوسه کومې ډلې پر غاړه نه ده اخستې.

آرزو خبري سایټ ــ شمس الله رحیمي