| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د روغتیا وزارت وایي چې په پلازمینه کې د ګرځبندیز سره سره، په کابل ښار کې ګنه ګوڼه لږه شوې نده.
د روغتیا وزارت ویاند، وحیدالله مایار نن (پیلنۍ، اوري نهمه/مارچ ۲۹)، په یوې خبري ناسته کې وویل چې په پلازمینه کې د کرونا ویروس پر وړاندې د مبارزې لپاره تابیاوې، جدي ندي نیول شوي.
د هغه په وینا، حکومت تیره ورځ په کابل کې د درییو اوونیو لپاره د ګرځبندیز طرحه تصویب کړه، خو لا هم دا طرحه د هیوادوالو له لورې جدي نده ګڼل شوې او پلازمینه د تیر په څیر، د خلکو د ګڼې ګوڼې شاهده ده.
د عامې روغتیا وزارت ویاند د کرونا ویروس د پیښو اړوند وویل: په تیرو ۲۴ ګړیو کې د کرونا ویروس له ۱۰۲ شکمنو پیښو، ۱۵ پیښې یې مثبتې تشخیص شوي.
هغه زیاته کړه: د کرونا ویروس د نویو ۱۵ پيښو له ډلې، یوولس پيښې یې په هرات، درې پیښې په فراه او یوه پيښه په غزني ولایت کې ثبت شوې د.
د کرونا ویروس د ۱۵ نویو مثبتو ثبتیدو سره، د هیواد په کچه د مثبتو پیښو ټولیز شمیر، ۱۰۶ ته رسیدلی دی.
د روغتیا وزارت ویاند همداراز وایي چې په سمنګان ولایت کې په کرونا ویروس یو اخته کس روغ شوی او اوس د روغ شویو کسانو شمیر، ۵ ته ورسید.
مایار د دولتي روغتونو او روغتیايي مرکزونو د فیس د معافیدو خبر ورکړ او زیاته یې کړه؛ د روغتیا وزارت چې له ناروغانو ناڅیزه فیس ترلاسه کوه، د حال تر ښه کیدو معاف شوی او خلک وروسته له دې د دې فیس د ورکولو لپاره اړ ندي.
هغه یو ځل بیا له هیوادوالو وغوښتل چې د کرونا ویروس د لا خپریدو د مخنیوي لپاره، د ګرځبندیز د پلي کولو ترڅنګ، د دې وزارت روغتیايي سپارښتنو ته هم جدي پاملرنه وکړي.
